La conferenza svizra da las archeologas chantunalas e dals archeologs chantunals CSAC è l'uniun da las manadras e dals manaders dals posts spezialisads d'archeologia en Svizra inclusiv da la citad romana Augusta Raurica e dal Site et Musée romains d'Avenches sco er dal Principadi da Liechtenstein e da l'uniun "Archeologia Svizra".

L'archeologia è en emprima lingia l'incumbensa dals chantuns. Sias commembras e ses commembers defendan ils interess cuminaivels vers anora, fan part da gremis federals e contribueschan proactivamain a temas impurtants.

En l'archeologia vegnan ils chantuns sustegnids da la confederaziun. Sin plaun naziunal è cumpetent l'uffizi federal da cultura, secziun da protecziun da la patria e tgira da monuments.

Ultra dals organs publics s'engaschan numerusas organisaziuns privatas per quests interess. L'uniun Archeologia Svizra intermediescha temas archeologics a persunas interessadas, porscha curs da furmaziun supplementara e maina actualmain il secretariat da la CSAC.

Dal center naziunal d'infurmaziun davart il patrimoni cultural NIKE fan part 39 federaziuns professiunalas, da quellas ina dunsaina federaziuns archeologicas u sumegliantas. L'intent dal center e quel da sensibilisar per ils interess dal mantegniment dals bains culturals e d'intermediar tranter las disciplinas.

Actualitads ed ulteriurs links èn d'obtegnair sur las paginas d'internet che figureschan qua.

 


KSKA